Google Firebase Cloud Messaging қолдану

Kaspersky Security Center-де Android операциялық жүйесі басқаратын KES құрылғыларына пәрмендерді уақтылы жеткізу үшін push-нотификациялар механизмі пайдаланылады. KES құрылғылары мен Басқару сервері арасындағы push-нотификациялар Google Firebase Cloud Messaging сервисінің көмегімен жүзеге асырылады. Kaspersky Security Center Басқару консолінде KES құрылғыларын осы сервиске қосу үшін Google Cloud Messaging сервисінің параметрлерін көрсете аласыз.

Google Firebase Cloud Messaging параметрлерін алу үшін Google есептік жазбаңыз болуы керек.

Google Firebase Cloud Messaging параметрлерін конфигурациялау үшін:

1. Ұялы құрылғыларды басқару қалтасындағы консоль шежіресінен Ұялы құрылғылар салынған қалтасын таңдаңыз.
2. Ұялы құрылғылар қалтасының мәнмәтіндік мәзірінен Сипаттар тармағын таңдаңыз.

   Нәтижесінде, Ұялы құрылғылар қалтасы сипаттары терезесі ашылады.

3. Google Firebase Cloud Messaging параметрлері бөлімін таңдаңыз.
4. Жіберушінің идентификаторы өрісінде Google әзірлеушісі консолінде жобаны жасау кезінде алған Google API жобасының нөмірін көрсетіңіз.
5. Сервердің кілті өрісінде Google әзірлеушісі консолінде жасаған әдеттегі сервер кілтін енгізіңіз.

Басқару серверімен келесі жолы синхрондау кезінде, Android операциялық жүйесі басқаратын KES құрылғылары Google Firebase Cloud Messaging қызметіне қосылатын болады.

Google Firebase Cloud Messaging параметрлерін Параметрлер бастапқы мәнге келтірілуде түймесі арқылы өзгерте аласыз.

Сондай-ақ, қараңыз: Сценарий: Ұялы құрылғыларды басқаруды орналастыру

Басына оралу